ការធ្វើដំណើរគឺពិតជាមានសារៈសំខាន់ណាស់សម្រាប់មនុស្សគ្រប់គ្នា មិនថាការធ្វើដំណើរក្នុងស្រុកក្តី ឬក្រៅស្រុកក្តី វាអាចធ្វើឱ្យអារម្មណ៍របស់យើងស្រស់ស្រាយ និងបំភ្លេចអស់ទុក្ខកង្វល់ ហើយវាក៏អាចជួយទំាងផ្លូវចិត្ត និងផ្លូវកាយរបស់យើងឱ្យបានល្អប្រសើរជាងមុន។ តាមការស្រាវជ្រាវរបស់អ្នកវិទ្យាសាស្រ្តបានឱ្យដឹងថា ការធ្វើដំណើរគឺពិតជាល្អសម្រាប់ទាំងរាងកាយ និងចិត្តរបស់អ្នក ហើយអាចនាំមកនូវ សេចក្តីសុខ សុភមង្គលជាងសកម្មភាពដ៏ទៃទៀត។ លើសពីនេះទៅទៀត ការដំណើរអាចជួយអ្នកឱ្យរីករាយស្រស់ស្រាយ និងកាត់បន្ថយភាពតានតឹងផងដែរ។ ដូចច្នេះអ្នកគ្រប់គ្នាគួរមានពេលធ្វើដំណើរទៅបរទេស ពីព្រោះវាអាចផ្តល់ផលប្រយោជន៍ដល់អ្នកដូចខាងក្រោម៖
១. ពង្រីកការយល់ដឹងរបស់អ្នក :
ការធ្វើដំណើរកម្សាន្ត មានន័យថាអ្នកជួបមនុស្សថ្មី ដឹងពីវប្បធម៌ ទីតាំង និងរបៀបរស់នៅ ភាសា និងរឿងរ៉ាវថ្មីៗជាច្រើនទៀត។ វាអាចនាំមកនូវការយល់ដឹង និងទស្សនៈល្អៗដល់អ្នក។ វាអាចជួយអ្នកឱ្យយល់ពីជីវិតរបស់អ្នកកាន់តែប្រសើរឡើង។
២. ជួយសុខភាពរបស់អ្នកឱ្យប្រសើរឡើង :
វាអាចជួយដល់សុខភាពផ្លូវចិត្ត និងរាងកាយរបស់អ្នក។ ការធ្វើដំណើរអាចមានន័យថានៅខាងក្រៅតំបន់ផាសុកភាពរបស់មនុស្សម្នាក់ដើម្បី រុករកទីតាំងថ្មី ប៉ះពាល់នឹងអ្វីដែលមិនស្គាល់ អារម្មណ៍ថ្មី ក្លិនក្រអូបថ្មី មនុស្សថ្មី ដែលទាំងអស់នេះល្អសម្រាប់ចិត្តរបស់អ្នក។ ការធ្វើដំណើរគីជាការដើរយូរដើម្បីស្វែងរកទីក្រុងថ្មីៗ និងគោលដៅដែលចង់ទៅ។ អ្នកអាចបំភ្លេចទុក្ខកង្វល់ដែលអ្នកបានជួប។
៣. ស្វែងយល់អំពីខ្លួនអ្នក :
ការធ្វើដំណើរក៏ជាឱកាសមួយផងដែរ ដើម្បីស្វែងយល់អំពីខ្លួនអ្នក និងយល់កាន់តែច្បាស់ និងស្វែងយល់ពីរសជាតិ ចំណូលចិត្ត និងអារម្មណ៍របស់អ្នក។
៤. ទទួលបានបទពិសោធម្ហូបថ្មីៗ :
ការសាកល្បងអាហារថ្មីៗពេលធ្វើដំណើរទៅកាន់ប្រទេសផ្សេងៗនឹងធ្វើឱ្យអ្នកស្គាល់ម្អូប និងភ្លក់រសជាតិម្អូបថ្មីដែលអ្នកមិនធ្លាប់បានឃើញពីមុនមក។ អ្នកប្រហែលជាមិនចូលចិត្តអ្វីម្អូបទាំងអស់នោះដែលអ្នកបានភ្លក់ ប៉ុន្តែអ្នកនឹងរៀនអំពីអាហារ និងគ្រឿងផ្សំដែលអ្នកមិនធ្លាប់ប៉ះពាល់ពីមុនមក។
៥. កសាងទំនុកចិត្តរបស់អ្នក :
អត្ថប្រយោជន៍មួយនៃការធ្វើដំណើរទៅក្រៅប្រទេសអាចជួយកសាងទំនុកចិត្តលើខ្លួនឯង។ ពេលអ្នក និយាយជាមួយមនុស្សកាន់តែច្រើន អ្នកនឹងមានទំនាក់ទំនងជាមួយអ្នកដទៃកាន់តែច្រើន ហើយអ្នកនឹងទទួលបានទំនុកចិត្តកាន់តែច្រើន។ ការធ្វើដំណើរនឹងជួយអ្នកឱ្យកាន់តែមានទំនុកចិត្ត និងផ្តល់ឱ្យអ្នកនូវទស្សនវិស័យថ្មីក្នុងជីវិត។
៦. បង្កើនភាពច្នៃប្រតិដ្ឋ :
ការធ្វើដំណើរពង្រីកការស្រមើស្រមៃ និងជួយបង្កើនភាពច្នៃប្រតិដ្ឋរបស់អ្នក អាចគិតបានទូលំទូលាយជាងមុន ពីព្រោះអ្នកបានឃើញ និងរៀនអ្វីដែលប្លែកៗ។
៧. បង្កើតអនុស្សាវរីយ៍ :
អនុស្សាវរីយ៍ដែលអ្នកបង្កើតនៅពេលធ្វើដំណើរអាចនៅជាមួយអ្នកដូចជា ការថតរូបជុំគ្នា ការទិញវត្ថុអនុស្សាវរីយ៍ជាមួយគ្នា សកម្មភាពទាំងអស់នេះអាចធ្វើឱ្យអ្នករីករាយបាន។
ថ្ងៃទី ១៨ មេសា ២០២៣
អង់គ្លេស
ខ្មែរ