កាលពីថ្ងៃទី២៦ ខែមករា ឆ្នាំ២០២៣ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូ នៃសាលារៀនអន្តរទ្វីប អាមេរិកាំង សាខាសៀមរាប បានរៀបចំកម្មវិធីទិវាកីឡាលើកទី១ សម្រាប់ប្អូនៗកុមាររៀនថ្នាក់ក្រោមមត្តេយ្យ និងមត្តេយ្យសិក្សា វេនព្រឹក និងវេនរសៀលទាំងអស់។ កម្មវិធីនេះបានរៀបចំឡើងនៅទីលានបាល់ទាត់ផ្សេងៗគ្នាដើម្បីងាយដល់ប្អូនៗសិស្សានុសិស្សទាំងអស់បានធ្វើលំហាត់ប្រាណ លើចលនាបន្លាស់ទី និងការហ្វឹកហាត់កីឡាតម្រង់ទិសសម្រាប់កុមារតូចលើវិញ្ញាសាអត្តពលកម្មដូចជា ការរត់ ការលោត ការផ្លោះ ជាដើម ដើម្បីឱ្យការលូតលាស់ផ្នែកកាយសម្បទារបស់ប្អូនៗបានកាន់តែមានភាពរឹងមាំ មានសុខភាពល្អបង្កើតសមត្ថភាពប្រាជ្ញាស្មារតី ទេពកោសល្យ ទំនាក់ទំនងក្នុងក្រុម និងមជ្ឈដ្ឋានខាងក្រៅបានកាន់តែប្រសើរ។ ចាងហ្វាង លោកគ្រូ អ្នកគ្រូ បានបង្កើតបរិយាកាសក្នុងកម្មវិធីយ៉ាងរីករាយជាមួយនឹងសកម្មភាពកីឡាផ្សេងៗទៀត ដែលលោកគ្រូ អ្នកគ្រូផ្នែកកីឡាបានរៀបចំឡើងសម្រាប់ប្អូនៗកុមារហ្វឹកហាត់ និងលេងកម្សាន្ត។ កម្មវិធីនេះប្រព្រឹត្តទៅដោយភាពសប្បាយរីករាយ ហើយប្អូនៗសិស្សានុសិស្សទទួលបាននូវការយល់ដឹងផ្នែកកីឡាក្នុងការធ្វើលំហាត់ប្រាណដើម្បីឱ្យកាយសម្បទារឹងមាំល្អ ថែមទាំងទទួលបានភាពសិទ្ធិស្នាលរវាងមិត្តភក្តិរួមថ្នាក់ និងរួមសាលា។
ថ្ងៃទី២៦ មករា ២០២៣
ឌឹអុីរ៉ាវាឌី ដូលហ្វីន
ខ្មែរ
អង់គ្លេស