កាលពីថ្ងៃទី១៩ ខែមីនា ឆ្នាំ២០២៤ គណៈគ្រប់គ្រងសាលារៀន អន្ដរទ្វីប អាមេរិកាំងបានរៀបចំដំណើរទស្សនកិច្ចសិក្សាទៅកាន់សច្ចៈ សម្រាប់សិស្សានុសិស្សថ្នាក់ទី៤។ ការរៀបចំដំណើរទស្សនកិច្ចនេះគឺធ្វើឡើងក្នុងគោលបំណងផ្ដល់ឱកាសឱ្យសិស្សានុសិស្សបានក្រេបជញ្ជក់ចំណេះដឹងជាក់ស្តែង ដែលទទួលបានតាមរយៈការទស្សនាដោយផ្ទាល់ នឹងបរិស្ថានជុំវិញ ហើយក៏ជាឱកាសដែលសិស្សានុសិស្សទទួលបាននូវចំណេះដឹងជាច្រើនបន្ថែមលើសពីមេរៀនក្នុងថ្នាក់ដូចជា៖ ការទស្សនាចង្វាក់សិប្បកម្មចម្រុះដ៏គួរឱ្យចាប់អារម្មណ៍ជាច្រើនពីចម្លាក់ថ្ម និងស្នាដៃឈើសេរ៉ាមិកដ៏ប្រណិត ព្រមទាំងភាពចម្រុះសម្បូរបែប នៃសិប្បកម្មខ្មែរបានបន្សល់ទុកពីដូនតា ដែលមានតម្លៃមិនអាចកាត់ថ្លៃបាន។ មគ្គុទេ្ទសលោកក៏បានបន្តធ្វើការណែនាំពីសិល្បៈចម្រុះនៃចំណេះដឹងប្រពៃណីជាតិខ្មែរ ដោយអបជាមួយការរចនាបែបសហសម័យ ដើម្បីបង្ហាញពីទេពកោសល្យរបស់ខ្មែរជូនដល់ភ្ញៀវជាតិ អន្តរជាតិទស្សនា។ ដំណើរទស្សនកិច្ចសិក្សាជាការជួយបណ្ដុះស្មារតី ហើយក៏ជាចំណេះដឹងថ្មីៗជាច្រើនបន្ថែម ក្នុងការថែរក្សាចូលរួមលើកស្ទួយវិស័យសិប្បកម្ម និងសិល្បៈចម្រុះបែបប្រពៃណីជាតិខ្មែរ។ ទាំងនេះក៏អាចចាត់ទុកជាចំណេះដឹងល្អៗ ដែលសិស្សទទួលពីដំណើរទស្សនកិច្ចសិក្សានេះ ពិតជាបានឆ្លុះបញ្ចាំងខ្លឹមសារមេរៀនទៅនឹងស្ថានភាពសង្គមជាក់ស្ដែងដែលសិស្សបានយល់ដឹងមួយកម្រិតទៀត។ ព្រមទាំងទទួលបាននូវភាពស្និតស្នាផងដែរ ក្នុងដំណើរទស្សនកិច្ចនេះក៏បានបង្កើតជាអនុស្សាវរីយ៍ជាមួយលោកគ្រូអ្នកគ្រូមិត្តរួមថ្នាក់ផងដែរ ដែលមិនអាចបំភ្លេចបាន។
តំណរភ្ជាប់កាន់ Facebook Page: https://www.facebook.com/ais.mjqeducation/posts/pfbid0xxPuCLzMaEAnpVMHGCCegrgbgRo2thFQh2HG2q58yz4rQTkpoe5v1mNhsPZRNhnLl