លោក ម៉ាក់ ផល្លីម

ប្រធានគ្រូកីឡា និងវិន័យ នៃសាលារៀន អន្តរទ្វីប អាមេរិកាំង សាខាសៀមរាប

លោក ម៉ាក់ ផល្លីម បាន​បញ្ចប់​ការសិក្សា​បរិញ្ញាបត្រ ផ្នែកទស្សនៈវិជ្ជា នៃសាកលវិទ្យាល័យ Banaras Hindu University (BHU) ប្រទេសឥណ្ឌា នៅក្នុងឆ្នាំ២០១៥។ លោកបានចូលបំរើការងារនៅសាលារៀន អន្តរទ្វីប អាមេរិកាំង សាខាភ្នំពេញ នៅថ្ងៃទី២៤ ខែវិច្ឆកា ឆ្នាំ២០១៥ ក្នុងតួនាទីជាគ្រូកីឡាការ៉ាតេ-ដូ ក្រៅម៉ោង ដោយ ផ្អែកលើសមត្ថភាព ក្តីស្រឡាញ់ ការចង់ចេះចង់ដឹង និងចង់អភិវឌ្ឍន៍ខ្លួន លោកបានចូលបំរើការងារ នៅសាលារៀនអន្តរទ្វីប អាមេរិកាំង សាខាសៀមរាប នៅថ្ងៃទី០១ ខែសីហា ឆ្នាំ២០២២ ក្នុងតួនាទីជាប្រធានគ្រូកីឡា និងវិន័យ ។

សាលារៀន អន្តរទ្វីប អាមេរិកាំងគឺជាសាលាចំណេះដឹងទូទៅឯកជនដែលមានកម្មវិធីសិក្សាសម្បូរបែបនិងទទួលស្គាល់ដោយក្រសួង អប់រំ យុវជន និងកីឡា។ កីឡាគឺជាផ្នែកមួយដ៍សំខាន់ក្នុងការចូលរួមចំណែករបណ្ដុះបណ្ដាលសមត្ថភាព ស្មារតី កាយសម្បទា និងទេពកោសល្យ ​របស់សិស្សានុសិស្សឱ្យកាន់តែទទួលបាននូវប្រសិទ្ធភាពខ្ពស់ ស្របតាមតម្រូវការ និងការវិវឌ្ឍ​យ៉ាង​ឆាប់រហ័សរបស់សិស្សានុសិស្សផងដែរ។ ក្នុងនោះកីឡាបានចងចំណងមិត្តភាព រវាងសង្គមមួយ ទៅសង្គមមួយ ប្រទេសជាតិមួយទៅប្រទេសជាតិមួយទៀត ឲ្យកាន់តែរឹងមាំ។ វិន័យគឺជាច្បាប់បញ្ញត្ត ឲ្យប្រព្រឹត្តនៅសេចក្តីត្រឹមត្រួវ ប្រកាន់ខ្ជាប់នៅការប្រព្រឹត្តិល្អ ទាំងកាយ​ វាចា​ និងចិត្ត​ ដើម្បីឲ្យសិស្សានុសិស្សទាំងអស់​ ជោគជ័យក្នុងការសិក្សា​ និងការរស់នៅក្នុងសង្គម។