អត្ថបទព័ត៌មានស្តីពីសុខភាព
ក្រោមប្រធានបទ “ការហាត់យូហ្គាផ្តល់អត្ថប្រយោជន៍ច្រើនយ៉ាងចំពោះសុខភាព និងសម្រស់”
អត្ថបទដកស្រង់ដោយ : នឹម សុនីតា
#MJQE#AmericanInterconSchool

ហាត់យូហ្គា គឺជាការផ្តល់ជំនួយមួយផ្នែកដល់សុខភាពរាងកាយ ហើយជំនួយមួយផ្នែកធំទៀតដល់សុខភាពផ្លូវចិត្ត  និងសម្រស់។ យូហ្គាអាចជួយបង្កើនចលនាឈាមរត់  ហើយជំនួយសាច់ដុំ    និងសន្លាក់   ជួយបង្កើនភាពរហ័សរហួនថែមទាំងជួយកាត់បន្ថយការពឹងផ្អែកលើថ្នាំបំបាត់ការឈឺចាប់បានផងដែរ។ ក្រៅពីនេះការហាត់យូហ្គាក៏មានគុណសម្បត្តិជាច្រើនទៀតដូចជា៖

១. ជួយបង្កើននូវកម្លាំង និងភាពបត់បែន :
ការហាត់យូហ្គាដោយធ្វើចលនាយឺតៗ និងដង្ហើមជ្រៅៗជួយបង្កើនលំហូរឈាម និងធ្វើឱ្យសាច់ដុំឡើងកម្តៅ ច្រានចោលនូវភាពស្ពឹកស្រពោន។

២. ជួយក្នុងការបំបាត់ការឈឺឆ្អឹងខ្នង :
យូហ្គាក៏ជាមធ្យោបាយដ៏មានប្រសិទ្ធភាពក្នុងការកែលម្អការបត់បែនឆ្អឹងខ្នង និងការពារការរបួសឆ្អឹងខ្នងផងដែរ។

៣. ជួយឱ្យអារម្មណ៍ស្ងប់ និងគេងលក់ស្រួល :
ការហាត់យូហ្គាប្រចាំថ្ងៃអាចបន្ធូរអារម្មណ៍ឱ្យស្រស់ថ្លាធ្វើឱ្យគេងលក់ស្រួល ពិសេសស្រ្តីដែលអស់    រដូវ និងអ្នកគេងមិនលក់រ៉ាំរ៉ៃ។

៤. ជួយអ្នកគ្រប់គ្រងភាពតានតឹង :
ការធ្វើលំហាត់ប្រាណយូហ្គាជួយគាំទ្រការគ្រប់គ្រងស្រ្តេស ភាពតានតឹង សុខភាពផ្លូវចិត្ត និងសតិអារម្មណ៍។

៥. ជំនួយសុខភាពបេះដូង :
សកម្មភាពរាងកាយ១៥០នាទីក្នុងមួយសប្តាហ៍នៃការធ្វើលំហាត់ប្រាណយូហ្គាកម្រិតកម្លាំងមធ្យមគឺជាទម្រង់នៃការហាត់ប្រាណដែលមានសុខភាពល្អដើម្បីពង្រឹងសុខភាពបេះដូង។

៦. ជួយឱ្យជំងឺហឺតធូរស្រាល :
ការហ្វឹកហាត់យូហ្គាជួយសម្រួលរោគសញ្ញាឱ្យធូរស្បើយ បង្កើនលំហូរខ្យល់ដកដង្ហើមបានស្រួល និងធ្វើឱ្យប្រសើរឡើងសម្រាប់ស្រ្តីដែលមានជំងឺហឺតស្រាល និងមធ្យម។

៧. ជួយដល់អ្នកជំងឺរលាកសន្លាក់ :
ចលនាទន់ភ្លន់នៃយូហ្កាពិតជាអាចជួយបង្កើនភាពបត់បែនរាងកាយបានប្រសើរ និងជួយបង្វឹកភាពស៊ាំនៃសាច់ដុំ។

៨. ជួយសម្រកទម្ងន់ :
ការហាត់យូហ្គាឱ្យបានទៀងទាត់ជាប្រចាំនោះចង្កេះរបស់អ្នកនឹងរួមតូចជារឿយៗ        ហើយគីឡូអ្នកនឹងស្រកជាលំដាប់។ ដោយសារកាយវិការយូហ្គានីមួយៗគឺសុទ្ធតែអាចដុតបំផ្លាញជាតិខ្លាញ់ក្នុងរាងកាយ និងបញ្ចេញញើសពីរាងកាយ។

អត្ថបទដកស្រង់ និងកែសម្រួលចេញពី